සිඩ්නි දුම්රියක ඉදිරිපස එල්ලී ගමන් කල තරුණයෙකු සොයා නිවු සවුත් වේල්ස් ප්රාන්ත පොලිසිය විමර්ශන ආරම්භ කර තිබෙනවා.
ඊයේ රාත්රී 11 ට පමණ ශාන්ත ලෙනාර්ඩ්ස් දුම්රිය ස්ථානය අසලදී මොහු නිරීක්ෂණය වී ඇති බව සඳහන්.
අනතුරුව වහාම දුම්රිය නතර කිරීමට රියදුරු කටයුතු කර තිබෙනවා.
ඒ වනවිටත් ටොන් 400 කට ආසන්න බරකින් යුත් මෙම දුම්රිය පැයට කිලෝමීටර් 110 ක වේගයෙන් ධාවනය වෙමින් පැවතී ඇති බවටයි තහවුරු කරගෙන ඇත්තේ.
පසුගිය වසර 05 තුළදී පමණක් මෙලෙස දුම්රියේ අනාරක්ෂිතව ගමන් කිරීමෙන් සිඩ්නි හිදි මියගොස් ඇති පුද්ගලයන් සංඛ්යාව 11 ක්.
මෙම වරදට ඩොලර් 5,500 ක දඩයක්ද නියම කල හැකියි.