2022 වසරේදී ඔස්ට්‍රේලියාව තුළ උපත ලැබූ දරුවන් අතුරින් වැඩිම පිරිසකට තබන ලද නාමයන් ප්‍රකාශයට පත් කර තිබෙනවා.
ඒ අනුව පසුගිය වසරේදී උපත ලැබූ ඔස්ට්‍රේලියානු දැරියන් වැඩිම පිරිසකට යොදා ඇති නාමය වන්නේ චාර්ලට් (Charlotte) යන්නයි.
1,394 දෙනෙකුට එම නාමය යොදා ඇති අතර දෙවන ස්ථානයට අමේලියා (Amelia) යන නාමය පත්ව ඇත්තේ 1,374 දෙනෙකුට යෙදීමත් සමගයි.
ඉස්ලා (Isla) 03 වන ස්ථානයටත් ඔලිවියා (Olivia) 04 වන ස්ථානයටත් පත්ව තිබෙනවා.
පිරිමි ළමුන් අතර ඉහළම ජනප්‍රියත්වයට පත්ව ඇති නාමය වන්නේ ඔලිවර් (Oliver) යන්නයි.
2,276 දෙනෙකුට එම නාමය යොදා ඇති අතර – නෝආ (Noah) යන නාමය 1,896 දෙනෙකුටත් ලියෝ (Leo) යන නාමය 1,506 දෙනෙකුටත් යොදා තිබෙනවා.
විලියම් යන නාමය 04 වන ස්ථානයටත් – හෙන්රි යන නාමය 1,360 දෙනෙකුටත් – ජැක් යන නාමය 1,323 දෙනෙකුටත් යොදා ඇති බව සඳහන්.
මෙම සමීක්ෂණය සිදුකර ඇති ආයතනය පවසන්නේ වත්මන් ඔස්ට්‍රේලියානු දෙමව්පියන් සම්ප්‍රදායික නම් තරමක් නව්‍යකරණයට ලක් කර අලුත උපදින දරුවන් වෙනුවෙන් යෙදීමේ වැඩි ප්‍රවණතාවයක් දක්නට ලැබෙන බවයි.
