නිවු සවුත් වේල්ස් ප්‍රාන්තයේ පාසල් සිසුන් සඳහා ලබාදී ඇති ක්‍රීඩා වවුචර්වල වලංගු කාලය ලබන 30 වනදායින් අවසන් වනවා.
එම වවුචර්වල කාලය දීර්ඝ නොකිරීමටයි නිවු සවුත් වේල්ස් ප්‍රාන්ත රජය පසුගියදා තීරණය කලේ.
වාර්ෂික ක්‍රීඩා හෝ බාහිර ක්‍රියාකාරකම් සඳහා යෙදවීමට දැනට පාසල් සිසුන්ගේ දෙමව්පියන් හෝ භාරකරුවන් සඳහා ඩොලර් 100 බැගින් වන වවුචර 02 ක් මෙහිදී හිමිවනවා.
දැනටමත් වවුචර මිලියන 05 ක් පමණ භාවිත කර ඇති අතර එහිදී ඩොලර් මිලියන 480 ක පමණ ප්‍රතිලාභයක් දෙමව්පියන්ට ලැබී තිබෙනවා.
ක්වීන්ස්ලන්ඩ් සහ වික්ටෝරියා ප්‍රාන්ත රජයන් විසින්ද මේ හා සමාන වැඩපිළිවෙලක් ක්‍රියාත්මක කර තිබෙනවා.
