ඉදිරි මාස 12 තුළදී ඔස්ට්‍රේලියාව ආර්ථික අවපාතයකට ගමන් කිරීමේ සියයට 50 ක පමණ අවධානමක් පවතින බවට ආර්ථික විශේෂඥයන් අනතුරු අගවනවා.
මාස 14 ක් තුළදී 12 වන වරටත් සිදුකෙරුණු පොළී අනුපාතික ඉහළ දැමීම මගින් එම අවධානම පැහැදිලි වන බවයි ඔවුන් පෙන්වා දෙන්නේ.
ඉදිරියේදී නැවතත් cash rate අගය වැඩි කිරීමට සිදුවන බවට ෆෙඩරල් සංචිත බැංකු ප්‍රධානී ආචාර්ය ෆිලිප් ලෝ පසුගියදා ප්‍රකාශ කර තිබුණා.
සිල්ලර වෙළඳාම් අලෙවිය පහළයාම – විරැකියාව ඉහළයාම මෙන්ම ඉදි කිරීම් වැනි ක්ෂේත්‍රවල පවතින පසුබෑම ආර්ථික අවපාතයක පූර්ව ලක්ෂණ බවයි ආර්ථික විශේෂඥයන්ගේ ස්ථාවරය වන්නේ.
cash rate අගය සියයට 4.1 දක්වා ඉහළ දැමීමට ෆෙඩරල් සංචිත බැංකුව විසින් පසුගිය අගහරුවාදා දිනයේදී පියවර ගත් අතර ඊට සමගාමීව ප්‍රධාන බැංකු විසින් සිය පොළී අනුපාතික ද මේ වනවිට වැඩි කරනු ලැබ තිබෙනවා.
