ඔස්ට්‍රේලියාව තුළ චෙක්පත් භාවිතය 2030 වසර වනවිට සම්පූර්ණයෙන්ම නතර කිරීමට ෆෙඩරල් රජය තීරණය කර තිබෙනවා.
ඒ අනුව ඉලෙක්ට්‍රොනික ගණුදෙනු ප්‍රචලිත කිරීමට පමණක් මින් ඉදිරියට රජය පියවර ගන්නා බවයි ෆෙඩරල් භාණ්ඩාගාරික අමාත්‍ය ජිම් චාමර්ස් සඳහන් කලේ.
සිඩ්නි නුවරදී ඔස්ට්‍රේලියානු බැංකු සම්මේලනය අමතමින් අමාත්‍යවරයා අවධාරණය කලේ චෙක්පත් ගණුදෙනු වෙනුවට වෙනමම ගෙවීම් ක්‍රමවේදයක් හඳුන්වාදීමට කටයුතු කරන බවයි.
දැනට ඔස්ට්‍රේලියාවේ බැංකු ගණුදෙනු අතුරින් චෙක්පත් ගණුදෙනු පවතින්නේ සියයට 0.2 ක් වැනි ඉතා අවම අගයක බව සඳහන්.
චෙක්පතක් නිකුත් කිරීම සඳහා බැංකු විසින් ඩොලර් 20 ක් වැනි ඉහළ මුදලක් අය කිරීමත් ගණුදෙනුකරුවන්ගෙන්ද කිසියම් ගාස්තුවක් අය කිරීමත් චෙක්පත් සඳහා වන ඉල්ලුම ඔස්ට්‍රේලියාව තුළ පහළයාමට හේතුවී තිබෙනවා.
