මෙම වසරේ පළමු කාර්තුවේදී ඔස්ට්‍රේලියා ආර්ථිකය සියයට 0.2 කින් වර්ධනය වී තිබෙනවා.
ඒ අනුව මාර්තු මාසයෙන් අවසන් වූ මාස 12 තුළ මෙරට ආර්ථික වර්ධනය සියයට 2.3 ක් ලෙස සටහන් වී ඇති බවයි සංඛ්‍යාලේඛණ කාර්යාංශය අද නිකුත් කල නවතම දත්තවල දැක්වෙන්නේ.
කෙසේවෙතත් 2022 වසරේ අදාළ කාලසීමාව තුළ එය සියයට 2.7 ක් ලෙස පැවතුණා.
නිවාසවල ඉතිරි කිරීම් වසර 15 කින් පමණ පසු පහළම අගය ලෙස සියයට 3.7 ක් මෙහිදී සටහන් වන බවයි සංඛ්‍යාලේඛණ කාර්යාංශ වාර්තාවල දැක්වෙන්නේ.
ඉහළ පොළී අනුපාතිකයන් සහ ජීවන වියදමේ කැපී පෙනෙන වැඩිවීම මීට මූලික හේතු ලෙස හඳුනාගෙන තිබෙනවා.
එමෙන්ම ජනගහණය ඉහළයාම හමුවේ ඔස්ට්‍රේලියාව තුළ ඒක පුද්ගල දළ දේශීය නිෂ්පාදිතයද සියයට 0.2 කින් පහළගොස් ඇති බවයි සංඛ්‍යාලේඛණ කාර්යාංශය පෙන්වා දෙන්නේ.
