පාසල් ගාස්තු වැඩි කිරීමට සිදුවන බවට වික්ටෝරියා ප්‍රාන්තයේ පුද්ගලික පාසල් කිහිපයක් විසින් අනතුරු අගවා තිබෙනවා.
එසේ නොමැතිනම් ඇතැම් අධ්‍යයන පාඨමාලා කප්පාදු කිරීමට සිදුවන බවටයි ඔවුන් දන්වා ඇත්තේ.
වික්ටෝරියා පුද්ගලික පාසල් සඳහා ලබාදී තිබූ බදු සහන කිහිපයක් මෙවර අයවැයෙන් ඉවත් කෙරුණා.
එය පාසල් 130 කට අදාළ වන අතර ඉදිරි වසර 03 තුළදී ඩොලර් මිලියන 422 ක ආදායමක් මේ හරහා උපයා ගැනීමට අපේක්ෂිතයි.
මෙම අමතර වියදම පියවා ගැනීම සඳහායි පාසල් ගාස්තු ඉහළ දැමීමට වික්ටෝරියා ප්‍රාන්තයේ පුද්ගලික පාසල් කිහිපයක් තීරණය කර ඇත්තේ.
