තවත් මාස කිහිපයකින් වෙළඳපොළට නිකුත් කෙරෙන ඇපල් සමාගමේ නවතම නිෂ්පාදනය වන iPhone 15 මාදිලියෙහි අන්තර්ගත විශේෂාංග කිහිපයක් පිළිබඳ තොරතුරු ප්රකාශයට පත් කර තිබෙනවා.
එහි ඇති ප්රධාන වෙනස්කමක් වන්නේ දැනට අනෙකුත් සෑම ස්මාර්ට්ෆෝන් විශේෂයක්ම භාවිත කරන එහෙත් ඇපල් විසින් පමණක් භාවිත නොකරන USB-C වර්ගයේ cahrging cable එක ඇපල් සඳහා හඳුන්වාදීමයි.
යුරෝපා මහද්වීපය තුළ අලෙවි කරන සෑම ඇපල් දුරකථනයකම 2024 වසරේ සිට එලෙස USB-C පහසුකම තිබිය යුතු බවට යුරෝපා සංගමයද පසුගිය වසරේදී නියෝගයක් නිකුත් කරනු ලැබුවා.
iPhone 15, iPhone 15 Plus, iPhone 15 Pro & iPhone 15 Pro Max ලෙස මාදිලි 04 කින් නව දුරකථන වර්ගය වෙළඳපොළට හඳුන්වාදීමටයි නියමිතව ඇත්තේ.
එහි හැඩය සහ බාහිර පෙනුම බොහෝ දුරට iPhone 12 – 13 සහ 14 යන මාදිලිවලට සමාන ස්වරූපයක් ගනු ඇති බවටයි පුරෝකථනය කර ඇත්තේ.
කෙසේවෙතත් ඉදිරිපස සහ පසුපස කැමරා පද්ධතිවල වෙනස්කම් කිහිපයක් iPhone 15 මාදිලියට ඇතුළත් වනු ඇති.
දැනට නිල නොවන වාර්තා අනුව ප්රකාශයට පත්වී ඇත්තේ iPhone 15 මාදිලිය ලබන සැප්තැම්බර් 07 වනදා ලොව පුරා නිකුත් කිරීම සිදුවනු ඇති බවයි.