එවරස්ට් කඳු තරණයට ගොස් ආපසු පැමිණෙමින් සිටි 40 හැවිරිදි ඔස්ට්‍රේලියානු ජාතිකයෙකු මියගොස් තිබෙනවා.
පර්ත් හි වාසය කරන ජේසන් කෙනිසන් නම් පතල් ඉංජිනේරුවෙකු පසුගිය සිකුරාදා මෙලෙස මරණයට පත්ව ඇති බවයි පවුලේ ඥාතීන් දන්වා ඇත්තේ.
මුහුදු මට්ටමේ සිට මීටර් 8,000 ක් පමණ උසින් එවරස්ට් කඳු මුදුන ආශ්‍රිත මාරක කලාපය හෙවත් death zone හිදී මෙම වසරේදී මියගිය 10 වැන්නා බවට ඔහු පත්වනවා.
මීට වසර 17 කට පෙර සිදුවූ රිය අනතුරකින් ජේසන් කෙනිසන් බරපතල තුවාල ලැබූ අතර ඔහුගේ දෑත් සහ පාදවලට දැඩි ලෙස හානි සිදුවුණා.
ඔහු මෙම එවරස්ට් තරණය සිදුකලේද සුෂුම්නා ආබාධවලට ලක්වූ ඔස්ටේ්‍රලියානුවන් වෙනුවෙන් ආධාර එක්රැස් කිරීම සඳහායි.
