පසුගිය වසරේදී ඔස්ට්‍රේලියාවේදී වැඩිම රිය අනතුරු මරණ සංඛ්‍යාවක් වාර්තා වී ඇත්තේ ක්වීන්ස්ලන්ඩ් ප්‍රාන්තයෙන් බව නවතම සංඛ්‍යාලේඛණ වාර්තා පවසනවා.
එම මරණ සංඛ්‍යාව 299 ක් වන අතර එය 2021 වසරට සාපේක්ෂව සියයට 18 ක වැඩිවීමක්.
නිවු සවුත් වේල්ස් ප්‍රාන්තය දෙවන ස්ථානයට පත්ව ඇත්තේ මරණ 288 ක් සමගිනුයි.
එහි 2021 මරණ සංඛ්‍යාව 275 ක් ලෙස සටහන්වී තිබුණා.
මරණ 240 ක් සමග වික්ටෝරියා ප්‍රාන්තය 03 වන ස්ථානයටත් – මරණ 174 ක් සමග බටහිර ඔස්ට්‍රේලියාව 04 වන ස්ථානයටත් පත්ව තිබෙනවා.
සමස්ත ඔස්ට්‍රේලියාවෙන්ම 2022 වසරේදී රිය අනතුරු මරණ 1165 ක් වාර්තා වී ඇති අතර එය 2021 වසරේදී වාර්තා වී තිබුණේ 1109 ක් ලෙසයි.
