මෙල්බන් හිදී රිය අනතුරකින් පාසල් සිසුන් පිරිසක් තුවාල ලැබීමත් සමග අදාළ ට්‍රක් රථයේ රියදුරාට එරෙහිව චෝදනා ගොණු කර තිබෙනවා.
එක්ස්ෆර්ඩ් ප්‍රාථමික පාසලේ සිසුන් 45 දෙනෙකු රැගෙනයමින් තිබූ බස් රථයක් ඊයේ පස්වරු 03.45 ට පමණ මෙම අනතුරට මුහුණ පා තිබුණා.
එහිදී වයස අවුරුදු 05 ත් 11 ත් අතර ළමුන් 10 දෙනෙකු තුවාල ලැබු අතර ඔවුන්ගේ තත්වය අසාධ්‍ය නොවන බව සඳහන්.
49 හැවිරිදි ට්‍රක් රියදුරුට චෝදනා 04 ක් යටතේ නඩු පැවරීමටයි වික්ටෝරියා ප්‍රාන්ත පොලිසිය පියවර ගෙන ඇත්තේ.
සිසුන් සහ දෙමව්පියන් වෙනුවෙන් අවශ්‍ය උපරිම සහාය සැපයීමට පියවර ගන්නා බව වික්ටෝරියා අධ්‍යාපන දෙපාර්තමේන්තුව දැනුම් දී තිබෙනවා.
