ඔස්ට්‍රේලියානු වීසා නිලධාරීන් ලෙස අගවමින් කිසියම් පිරිසක් ලබාදෙන දුරකථන ඇමතුමි පිළිබඳ අවධානයෙන් පසුවන්නැයි ස්වදේශ කටයුතු දෙපාර්තමේන්තුව වීසා ඉල්ලුම්කරුවන්ට දැනුම් දෙනවා.
වීසා අයදුම්පත්‍රයට අදාළ තහවුරු කර ගැනීම් සඳහා සිය නිළධාරීන් දුරකථන ඇමතුම් ලබාදිය හැකි බවත් ඇතැම්විට රාජකාරි වේලාවෙන් බැහැරව වුවද එවැනි ඇමතුම් ලැබිය හැකි බවත් ඔවුන් පෙන්වා දෙනවා.
කෙසේවෙතත් එම කිසිදු අවස්ථාවකදී ඔවුන් විසින් ක්‍රෙඩිට් කාඩ් දත්ත – බැංකු ගිණුම් විස්තර – Immi Account තොරතුරු ඉල්ලීමක් හෝ මුදල් ගෙවීමක් සිදුකරන්නැයි දැනුම්දීමක් සිදු නොකරන බව ස්වදේශ කටයුතු දෙපාර්තමේන්තුව අවධාරණය කරනවා.
වීසා අයදුම්පත්‍රය සම්බන්ධයෙන් පැමිණෙන ඕනෑම දුරකථන ඇමතුමකදී අදාළ නිළධාරියාගේ අනන්‍යතාවය තහවුරු කරගන්නා ලෙසටයි නැවතත් ඉල්ලීමක් සිදු කෙරෙන්නේ.
සැකකටයුතු දුරකථන ඇමතුමක් බව හැගී යන්නේ නම් වහාම ස්වදේශ කටයුතු දෙපාර්තමේන්තුවට පැමිණිලි කරන්නැයිද දැනුම්දීමක් සිදුකෙරෙනවා.
