මාංශ මිළ ගණන් ඉහළයාම හමුවේ ඊට විකල්පයක් ලෙස ඔස්ට්‍රේලියානුවන් විසින් බිම්මල් (හතු) පරිභෝජනයට වැඩි වශයෙන් පෙළඹී ඇති බව අනාවරණය වී තිබෙනවා.
එමෙන්ම අධි කොලස්ටරෝල් තත්වය සහ ඩිමෙන්ෂියා වැනි රෝග සඳහා බිම්මල් ගුණදායක ආහාරයක් ලෙස හඳුනාගෙන තිබීමද තවත් හේතුවක් බව සඳහන්.
2012 සිට 2020 වසර දක්වා මෙරට බිම්මල් කර්මාන්තයේ වටිනාකම ඩොලර් මිලියන 368 ක් හෙවත් සියයට 25 කින් ඉහළගොස් තිබෙනවා.
2013 දී ඔස්ට්‍රේලියාව තුළ බිම්මල් පරිභෝජනය ටොන් 65,000 ක් ලෙස පැවති අතර මේ වනවිට එය ටොන් 70,000 ක් දක්වා ඉහළ ගොස් ඇති බව සඳහන්.
මාංශ මිළ ගණන් සළකා බැලීමේදී බිම්මල් ආහාරයට ගැනීමෙන් ඉහළ පෝෂණ තත්වයක් අඩු පිරිවැයකින් ලබාගත හැකිවීම ප්‍රධාන වාසියක් බවයි පැවසෙන්නේ.
