ජංගම දුරකථන සංඥා හෝ වයිෆයි කලාපයකින් බැහැරකදී අතරමංවී හෝ හදිසි අවස්ථාවකට මුහුණදී සිටින ඔස්ට්‍රේලියානුවන් චන්ද්‍රිකා තාක්ෂණය ඔස්සේ සොයා ගැනීමේ අවස්ථාව ඇපල් සමාගම විසින් දැන් ලබා දී තිබෙනවා.
අයිෆෝන් 14 මාදිලිය භාවිත කරන්නන් සඳහා පමණක් මෙම විශේෂාංගය අත්විඳිය හැකියි.
මෙතෙක් අමෙරිකාව තුළ පමණක් අදාළ පහසුකම ක්‍රියාත්මක වූ නමුත් ඔස්ට්‍රේලියා සහ නවසීලන්ත ඇපල් පරිශීලකයන්ටද අද සිට එය ලබාදී තිබෙනවා.
මේ අනුව දුරකථන සංඥා නොමැති දුෂ්කර ප්‍රදේශයකදී අතරමංව හෝ හදිසි අවස්ථාවකට ලක්ව 0-0-0 (ට්‍රිපල් සීරෝ) ඇමතීමේදී ස්වයංක්‍රීයව චන්ද්‍රිකා තාක්ෂණය හරහා Emergency SOS ක්‍රියාත්මක වනු ඇති.
ඔස්ට්‍රේලියානු භූමියෙන් 2/3 ක් පමණ තවමත් කිසිදු දුරකථන සමාගමක ආවරණයකින් තොරවීම හමුවේ මෙම නව පහසුකම අතිශය ප්‍රයෝජනවත් බවයි පැවසෙන්නේ.
