ඔස්ට්රේලියාවේ හොඳම කාර්ය සාධනය සහිත ආර්ථිකය සහිත ප්රාන්තය බවට ටස්මේනියාව පත්වී තිබෙනවා.
පසුගිය කාර්තුවේදී එම ස්ථානයෙහි පසුවූ ක්වීන්ස්ලන්ඩ් ප්රාන්තය මෙවර 02 වන ස්ථානයට පත්ව ඇත්තේ දකුණු ඔස්ට්රේලියාවද සමග සම තත්වයට පත්වෙමිනුයි.
නිවු සවුත් වේල්ස් ප්රාන්තය 04 වන ස්ථානයේ පසුවන අතර වික්ටෝරියා සහ බටහිර ඔස්ට්රේලියා ප්රාන්ත සම 05 වන ස්ථානයට පත්වී තිබෙනවා.
ACT ප්රාන්තය 07 වන ස්ථානයේත් Northern Territory 08 වන ස්ථානයේත් පසුවන බවයි මෙම ශ්රේණිගත කිරීමෙහි දැක්වෙන්නේ.
ව්යාපාර ආයෝජන – වියදම් කිරීම් – නිවාස මිළදී ගැනීම් – විරැකියාව වැනි සාධක 08 ක් සැළකිල්ලට ගෙනයි කාර්තුවක් පාසා මෙම ශ්රේණිගත කිරීම නිකුත් කරනු ලබන්නේ.
ඉහළම ආර්ථික වර්ධනය සහිත ප්රාන්තය බවට බටහිර ඔස්ට්රේලියාව පත්වී ඇති අතර සිල්ලර වෙළඳාම් වැඩිම ප්රාන්තය බවට පත්වී ඇත්තේ වික්ටෝරියා ප්රාන්තයයි.
ජනගහණ වර්ධනය වැඩිම ප්රාන්තය බවට ක්වීන්ස්ලන්ඩ් ද ඉදිකිරීම් වැඩිම ප්රාන්තය බවට දකුණු ඔස්ට්රේලියාවද පත්වී තිබෙනවා.