ක්වීන්ස්ලන්ඩ් ප්‍රාන්තයේ මත්පැන් මිළ ගණන් ඉදිරියේදී ඉහළ යනු ඇති බවට අනාවැකි පළවනවා.
ප්‍රාන්තයේ ප්‍රතිචක්‍රීකරණ වැඩපිළිවෙල පුලුල් කිරීමත් සමග මත්පැන් බෝතල් ද ඊට අන්තර්ගත කිරීමයි ඊට හේතුව වන්නේ.
ලබන නොවැම්බර් පළමුවනදා සිට වයින් සහ අනෙකුත් ස්ප්‍රීතු වීදුරු බෝතල් භාර දී සත 10 ක් බැගින් ආපසු ලබාගැනීමට ක්වීන්ස්ලන්ඩ් ප්‍රාන්තවාසීන්ට අවස්ථාව පවතිනවා.
ඒ අනුව ඉහළ යන පිරිවැය ආවරණය කරගැනීම සඳහා අවම වශයෙන් එක් මත්පැන් බෝතලයක් සත 60 කින් හෝ ඉහළ දැමිය යුතු බවටයි ක්වීන්ස්ලන්ඩ් මත්පැන් නිෂ්පාදකයන්ගේ සංගමය යෝජනා කර සිටින්නේ.
ප්‍රතිචක්‍රීකරණ වැඩපිළිවෙල සඳහා වයින් සහ ස්ප්‍රීතු වීදුරු බෝතල් ඇතුළත් කල පළමු ප්‍රාන්තය වන්නේද ක්වීන්ස්ලන්ඩ් ප්‍රාන්තයයි.
දැනටමත් එම වැඩපිළිවෙලට බීර බෝතල් – සිසිල් පැන් කෑන් සහ ප්ලාස්ටික් බෝතල් අන්තර්ගතයි.
