නවසීලන්ත ජාතිකයන්ට ඔස්ට්‍රේලියානු පුරවැසිභාවය ලබාදීම තවත් ලිහිල් කිරීමට ෆෙඩරල් රජය තීරණය කර තිබෙනවා.
දැනට විශේෂ වීසා කාණ්ඩය යටතේ ඔස්ට්‍රේලියාව තුළ සිටින නවසීලන්ත ජාතිකයන් 350,000 කට පමණ ස්ථිර පදිංචිය ලබාගැනීමෙන් තොරව සෘජුවම පුරවැසිභාවය ලබාගැනීමට ඒ යටත් අවස්ථාව හිමිවනු ඇති.
ඔවුන් වසර 04 කට වැඩි කාලයක් මෙරට තුළ වාසය කර ඇත්නම් එම වරප්‍රසාදය උදාවනවා.
ඒ යටතේ ඡන්ද අයිතිය මෙන්ම රජයේ සහන ලබාගැනීමද ඔවුන්ට පහසුවීම විශේෂත්වයක්.
නවසීලන්ත අගමැති ක්‍රිස් හිප්කින්ස් හෙට ඔස්ටේ්‍රලියාවේ නිල සංචාරයකට එක්වන අතර ඔහු හෙට බ්‍රිස්බන් නුවරදී අගමැති ඇන්තනී ඇල්බනීස් මුණගැසී සාකච්ඡා කිරීමට නියමිතයි.
නවසීලන්ත ජාතිකයන්ට ඔස්ට්‍රේලියානු පුරවැසිභාවය ලබාගැනීම සඳහා දීර්ඝ කලක සිට පැවති ඉල්ලීමක් ඉටුවීමක් ලෙසයි මෙය සැළකෙන්නේ.
