ඔස්ට්‍රේලියානු ළමුන් ඩිජිටල් තිර සඳහා ඇබ්බැහිවීම ඉහළට

ඔස්ට්‍රේලියානු ළමුන් ජංගම දුරකථන – පරිඝණක සහ රූපවාහිනී වැනි තිර සඳහා ඇබ්බැහිවීම කැපී පෙනෙන ලෙස ඉහළ ගොස් තිබෙනවා.

වයස අවුරුදු 05 ත් 14 ත් අතර ළමුන්ගෙන් සියයට 90 ක් පමණ අවම වශයෙන් සතියකට එක් පැයක් හෝ එවැනි ක්‍රියාකාරකම්වල යෙදෙන බවයි අනාවරණ වී ඇත්තේ.

එමෙන්ම සතියකට පැය 20 ක් හෝ ඊට වැඩි සංඛ්‍යාවක් ඩිජිටල් තිර සඳහා ඇබ්බැහිවී ඇති ළමුන්ගේ ප්‍රතිශතය සියයට 16 සිට 24 දක්වා කැපී පෙනෙන අන්දමින් ඉහළ ගොස් තිබෙනවා.

පැය 10 ත් 19 ත් අතර සංඛ්‍යාවක් ඩිජිටල් තිර සඳහා ඇබ්බැහිවී ඇති ළමුන්ගේ ප්‍රතිශතය 40 ක් ලෙසයි පවතින්නේ.

මෙම පිරිසෙන් පොත් කියැවීම වැනි අධ්‍යාපනික කටයුතු සඳහා ඩිජිටල් තිර භාවිත කරන පිරිස සියයට 79 සිට සියයට 72 දක්වා අඩුවී තිබීම විශේෂත්වයක්.

එමෙන්ම ඔස්ට්‍රේලියානු පිරිමි ළමුන්ට වඩා ගැහැණු ළමුන් නිර්මාණාත්මක ක්‍රියාකාරකම් සඳහා ඩිජිටල් තිර යොදාගැනීමේ ඉහළ ප්‍රවණතාවයක් දක්නට ලැබෙන බවද සංඛ්‍යාලේඛණ කාර්යාංශය නිකුත් කර ඇති දත්ත වාර්තාවක සඳහන්.