ඔස්ට්‍රේලියානුවන්ට තාවකාලික සහනයක් ලබාදෙමින් මෙවර පොළී අනුපාතික අගයන් නොවෙනස්ව පවත්වාගෙන යෑමට ෆෙඩරල් සංචිත බැංකුව තීරණය කර තිබෙනවා.
ඒ අනුව දැනට පවතින සියයට 3.6 ක cash rate අගය තවත් මාසයක් පුරා අඛණ්ඩව බලාත්මක වනු ඇති.
ෆෙඩරල් සංචිත බැංකුව විසින් මෙලෙස පොළී අනුපාතික අගයන් ඉහළ නොදැමීමට තීරණය කරනු ලැබුවේ පසුගිය වසරේ මැයි මාසයේ සිට අඛණ්ඩව අවස්ථා 10 කදී එය ඉහළ දැමීමෙන් අනතුරුවයි.
ඒ අනුව දැනට සියයට 3.6 ක් ලෙස පවතින cash rate අගය 2012 වසරෙන් පසු මෙරට වාර්තාවන ඉහළම අගයද වනවා.
ෆෙඩරල් සංචිත බැංකු ප්‍රධානී ආචාර්ය ෆිලිප් ලෝ පවසන්නේ උද්ධමනයට සාපේක්ෂව ඉදිරියේදී අවශ්‍ය පරිදි cash rate අගය සම්බන්ධයෙන් තීන්දු තීරණ ගන්නා බවයි.
