වික්ටෝරියාවත් සම්බන්ධ වන ඔස්ට්‍රේලියාවේ දැවැන්තම විදුලි ව්‍යාපෘතියට සැළසුම්

වික්ටෝරියා ඇතුලු ප්‍රාන්ත 03 ක් ඒකාබද්ධ කරන ඔස්ට්‍රේලියාවේ දැවැන්තම විදුලි සම්ප්‍රේෂණ ව්‍යාපෘතිය ආරම්භ කිරීමට සැළසුම් කර තිබෙනවා.

නිවු සවුත් වේල්ස් සහ දකුණු ඔස්ට්‍රේලියා ප්‍රාන්තද සම්බන්ධ කෙරෙන විදුලි රැහැන් පද්ධතියක් වන මෙමගින් විදුලි ගාස්තු යම්තාක් දුරකට අඩුවනු ඇතැයි අපේක්ෂිතයි.

විදුලි කුලුණු 1,500 ක් මේ යටතේ අලුතින් ඉදි කෙරෙන අතර සමස්ත ව්‍යාපෘතියේ දුර ප්‍රමාණය කිලෝමීටර් 900 කට ආසන්න වනු ඇති.

ඉදිරි වසර 05 තුළදී ප්‍රධාන පෙලේ විදුලි බලාගාර 05 ක් වසා දැමීමට නියමිත අතර එහිදී ජාතික පද්ධතියට අහිමිවන විදුලි ධාරිතාවය සියයට 13 කට ආසන්න බවටයි ගණන් බලා ඇත්තේ.

එබැවින් මෙම ව්‍යාපෘතිය අතිශ්‍ය වැදගත් බවයි විචාරකයන් පෙන්වා දෙන්නේ.

ලබන වසර අවසානයේ මෙහි පළමු අධියර විවෘත කෙරෙන අතර එමගින් නිවු සවුත් වේල්ස් නිවසක වාර්ෂික විදුලි බිල ඩොලර් 64 කින්ද – දකුණු ඔස්ට්‍රේලියාවේ වසරක විදුලි බිල ඩොලර් 100 කින් පමණද අඩු වනු ඇතැයි අපේක්ෂා කෙරෙනවා.