අමෙරිකාවෙන් ටොමහෝක් වර්ගයේ කෲස් මිසයිල 220 ක් මිළදී ගැනීමට ඔස්ට්‍රේලියාව තීරණය කර තිබෙනවා.
ඩොලර් බිලියන 1.3 ක වටිනාකමින් යුත් එම මිසයිල ගණුදෙනුවට අමෙරිකානු රාජ්‍ය දෙපාර්තමේන්තුව විසින් ද අනුමැතිය දෙනු ලැබුවා.
ආරක්ෂක අමාත්‍ය රිචර්ඩ් මාර්ල්ස් කියාසිටියේ සමස්ත ඔස්ට්‍රේලියානුවන්ගේ ආරක්ෂාව තකා මෙම මිළදී ගැනීම සිදුකර ඇති බවයි.
මෙම මිසයිල කිලෝමීටර් 1600 ක පමණ දුරකින් පිහිටි ඉලක්කයකට වුවද යොමුකල හැකියි.
මේ අතර ආරක්ෂක වියදම් ඉතා ඉහළ අගයන්ගෙන් වැඩි කිරීම සම්බන්ධයෙන් එල්ලවන චෝදනාවලට අගමැති ඇන්තනී ඇල්බනීස් ප්‍රතිචාර දක්වා තිබෙනවා.
න්‍යෂ්ඨික සබ්මැරීන 05 ක් සහ මිසයිල 200 ක් මිළදී ගැනීමට ඩොලර් බිලියන 370 කට ආසන්න මුදලක් වැය කිරීම සමස්ත ඔස්ට්‍රේලියානුවන් වෙනුවෙන් සිදුකරන ආයෝජනයක් බවයි සිඩ්නි හිදී මාධ්‍ය අමතමින් ඔහු සඳහන් කලේ.
