පසුගිය වසරේදී ඔස්ට්‍රේලියාව තුළදී වැඩිම පිරිසක් සංක්‍රමණය වී ඇත්තේ ක්වීන්ස්ලන්ඩ් ප්‍රාන්තයට බව අනාවරණ වී තිබෙනවා.
සැප්තැම්බර් 30 වනදායින් අවසන්වූ මාස 12 ක කාලය තුළදී 119,069 ක් ප්‍රාන්තයට පැමිණ ඇති අතර 72,446 දෙනෙකු ප්‍රාන්තයෙන් පිටත්ව ගොස් ඇති බවයි සංඛ්‍යාලේඛණ කාර්යාංශය නිකුත් කර ඇති දත්තවල සඳහන් වන්නේ.
ක්වීන්ස්ලන්ඩ් හැරුණුවිට දකුණු ඔස්ට්‍රේලියාව – බටහිර ඔස්ට්‍රේලියාව සහ ටස්මේනියාව යන ප්‍රාන්තවලට පැමිණි පුද්ගලයන් සංඛ්‍යාව, පිටත්ව ගිය සංඛ්‍යාවට වඩා ඉහළ අගයක් ගෙන තිබෙනවා.
කෙසේවෙතත් නිවු සවුත් වේල්ස් – වික්ටෝරියා – Northern Territory සහ ACT යන ප්‍රාන්තවලින් පිටත්ව ගිය සංඛ්‍යාව පැමිණි සංඛ්‍යාවට වඩා වැඩි අගයක් ගැනීම විශේෂත්වයක්.
ඒ අතුරින්ද වැඩිම පිරිසක් පිටත්ව ගොස් ඇත්තේ නිවු සවුත් වේල්ස් ප්‍රාන්තය අතහැර වෙනත් ප්‍රාන්තවලට වන අතර එම සංඛ්‍යාව 121,066 ක්.
වැඩිම උපත් – වැඩිම මරණ මෙන්ම විදෙස් සංක්‍රමණිකයන් වැඩිම සංඛ්‍යාව සටහන් වන්නේද නිවු සවුත් වේල්ස් ප්‍රාන්තයෙනුයි.
පසුගිය වසරේ සැප්තැම්බර් 30 වනදායින් අවසන්වූ මාස 12 ක කාලය තුළදී මෙරට ප්‍රාන්තවලින් ජනගහණය වැඩිම වශයෙන් වර්ධනය වී ඇත්තේ ක්වීන්ස්ලන්ඩ් ප්‍රාන්තයේයි.
