පසුගිය කොවිඩ් වසංගත සමයේදී එවක පැවති ස්කොට් මොරිසන් රජය විසින් දුන් අවසරය මත ඔස්ට්‍රේලියානුවන් විසින් superannuation අරමුදලේ තිබූ මුදල් ඩොලර් බිලියන 38 ක් රැගෙන ඇති බවට අනාවරණය වී තිබෙනවා.
ලක්ෂ 26 කට අධික පිරිසක් මෙලෙස එම මුදල් ලබාගෙන ඇති බවද ඇතැමුන් විසින් අවශ්‍යතාවයකින් තොරව පවා ඉහළ මුදලක් ලබාගෙන ඇති බවද සඳහන්.
කෙසේවෙතත් ඇතැම් ඔස්ට්‍රේලියානුවන් විසින් superannuation මුදල් භාවිත කර වෛද්‍ය ප්‍රතිකාර සහ ඖෂධ වෙනුවට ආහාර – ගෘහ භාණ්ඩ මිළදී ගැනීම් මෙන්ම සූදූ ක්‍රීඩා සඳහා පවා යොදවා ඇති බවටයි තහවුරු කරගෙන ඇත්තේ.
සියයට 75 කට ආසන්න පිරිසක් ලබාගෙන ඇති superannuation මුදලෙහි උපරිමය ඩොලර් 10,000 ක් වන අතර සූදූ ක්‍රීඩා සඳහා යොදවා ඇති මුදල ඩොලර් 293 ක් ලෙසයි තක්සේරු කර ඇත්තේ.
මෙලෙස superannuation මුදල් කලින් ලබාගත් පිරිස අතුරින් බහුතරයක් රියදුරන් – ඉදිකිරීම් හා පතල් සේවකයන් සහ කම්හල් සැකසුම් සේවකයන් බව සඳහන්.
එම ක්ෂේත්‍රවල සියයට 40 කට ආසන්න පිරිසක් කොවිඩ් වසංගත සමය තුළදි superannuation මුදල් ලබාගෙන ඇති බවට තහවුරු වී තිබෙනවා.
