ඉදිරි වසර 10 තුළදී පුද්ගලන් 8,500 කට ආසන්න පිරිසක් නව රැකියා සඳහා බඳවා ගැනීමට ඔස්ට්රේලියාවේ ජාතික ගුවන් සේවය වන ක්වන්ටාස් සැළසුම් කර තිබෙනවා.
ගුවන් නියමුවන් 1600 ක් – ඉංජිනේරුවරුන් 800 ක් – ගුවන් යානා කාර්ය මණ්ඩලය 4500 ක් සහ ගුවන් තොටුපළ සේවකයන් 1600 ක් මේ අතර වනවා.
දැනට ක්වන්ටාස් ගුවන් සේවය සතුව 23,500 ක කාර්ය මණ්ඩලයක් සිටින අතර එය 2033 වසර වනවිට 32,000 දක්වා ඉහළ දැමීමයි ඔවුන්ගේ අපේක්ෂාව වී ඇත්තේ.
ඉදිරි වසර 10 තුළදී ගුවන් ගමන් ක්ෂේත්රයේ සිදුවිය හැකි වෙනස්කම් සළකා බලා මෙලෙස 8,500 කට ආසන්න පිරිසක් බඳවා ගැනීමට සැළසුම් කර තිබෙනවා.
කෙසේවෙතත් අඩු වැටුප් ප්රතිපත්තිය හමුවේ විශාල පිරිසක් ගුවන් සේවය හැර යාම හමුවේ මෙම සැළසුම සාර්ථක නොවනු ඇති බවයි ක්වන්ටාස් වෘත්තීය සමිති අවධාරණය කරන්නේ.
කොවිඩ් වසංගතයත් සමග විශාල පිරිසක් සේවයෙන් ඉවත් කිරීමට ක්වන්ටාස් පාලනාධිකාරිය පියවර ගත් බවත් එහිදී ඇතිවු හිඩැස මෙතෙක් සම්පූර්ණ වී නොමැති බවත් ඔවුන් පෙන්වා දෙනවා.
