ක්වීන්ස්ලන්ඩ් ප්‍රාන්තයේ තරුණ අපරාධ අවම කිරීම සඳහා ඩොලර් මිලියන 25 ක මුදලක් වැය කර නව පොලිස් මෙහෙයුමක් ක්‍රියාත්මක කිරීමට ප්‍රාන්ත රජය සැළසුම් කර තිබෙනවා.
ඒ අනුව වෙළඳ සංකීර්ණ ඇතුලු ජනාකීර්ණ ස්ථාන වෙත අමතර පොලිස් නිළධාරීන් අනුයුක්ත කෙරෙනු ඇති.
අවන්හල් – සිල්ලර වෙළඳ සැල් – අවසරලත් මත්පැන් හල් ආදී ස්ථානවල සිදුවන ගැටුම් වැනි දෑ හැකිතාක් අවම කිරීමයි මෙහ අරමුණ වී ඇත්තේ.
මෙහි අත්දා බැලීමේ නියමු ව්‍යාපෘතියක් පසුගිය දෙසැම්බරයේදී ක්‍රියාත්මක කෙරුණු බවත් එහි සාර්ථකත්වය මත වසර 02 ක ස්ථිර වැඩපිළිවෙලක් ක්‍රියාවට නංවන බවත් ක්වීන්ස්ලන්ඩ් ප්‍රාන්ත රජය නිවේදනය කරනවා.
ක්වීන්ස්ලන්ඩ් නගර රැසකම ප්‍රචණ්ඩ සිදුවීම් – මංකොල්ලකෑම් ඉහළයාම සැළකිල්ලට ගෙනයි මෙම පියවර ගෙන ඇත්තේ.
