වූල්වර්ත්ස් සහ කෝල්ස් ගබඩාවල ගොඩගසා ඇති මෘදු ප්ලාස්ටික් වහා ඉවත් කරන ලෙස නිවු සවුත් වේල්ස් ශ්රේෂ්ඨාධිකරණය විසින් අදාල ප්රතිචක්රීකරණ වැඩපිළිවෙල සැළසුම් කල සමාගමට නියෝග කර තිබෙනවා.
අදාළ අපද්රව්ය තොගය ඉවත් කරන බවට සුපිරි වෙළඳසැල් ජාල 02 ම විසින් සහතික වී ඇති පසුබිමකදීයි මෙම අධිකරණ නියෝගය ලබාදී ඇත්තේ.
නිවු සවුත් වේල්ස් – වික්ටෝරියා සහ දකුණු ඔස්ටේ්රලියා ප්රාන්තවල වූල්වර්ත්ස් සහ කෝල්ස් ගබඩාවල ටොන් 12,000 කට ආසන්න මෘදු ප්ලාස්ටික් මෙලෙස ගොඩගසා තිබෙනවා.
මින් බහුතරයක් හෙවත් ටොන් 3,000 ක් පමණම ගොඩගසා ඇත්තේ මෙල්බන් හි ගබඩා තුළ බවයි පැවසෙන්නේ.
ප්රතිචක්රීකරණය සඳහා යැයි පවසමින් පාරිභෝගිකයන් විසින් ලබාදෙන ලද මෘදු ප්ලාස්ටික් මෙලෙස වූල්වර්ත්ස් සහ කෝල්ස් ගබඩා තුළ ගොඩගසා ඇතැයි සඳහන්.
ඉන් සැළකිය යුතු ප්රමාණයක් අනාරක්ෂිත අයුරින් ගබඩා කර ඇති බවටයි චෝදනා එල්ල වන්නේ.
ඒවා වහා ප්රතිචක්රීකරණයට යොමුකල නොහැකි නමුත් ආරක්ෂිතව ඉවත් කරන බවටයි ඔවුන් සහතික වන්නේ.