තායිලන්තයේ බැංකොක් නුවර සිට මෙල්බන් දක්වා පැමිණි ජෙට් ස්ටාර් ගුවන් යානයක ගුවන් මගීන් 200 කට වැඩි පිරිසකට පැය 14 කට ආසන්න කාලයක් ගුවන් යානය තුළ රැඳී සිටීමට සිදුවී තිබෙනවා.
ඊයේ පස්වරුවේ බැංකොක් නුවරින් පිටත්වු දරන මෙම යානය හදිසි වෛද්‍ය අවශ්‍යතාවයක් හමුවේ ඇලිස් ස්ප්‍රිංග්ස් ගුවන් තොටුපළට ගොඩ බස්වා තිබුණා.
අනතුරුව බෝයිං 787 වර්ගයට අයත් මෙම යානයේ හටගත් විද්‍යුත් දෝෂයක් හමුවේ එය නැවත ගුවන් ගතකිරීමට නොහැකිවීමෙන් වෙනත් යානයක් ගෙන්වා ගැනීමටයි ජෙට් ස්ටාර් ගුවන් සේවයට සිදුවී ඇත්තේ.
කෙසේවෙතත් ඒ සඳහා පැය 07 කට ආසන්න කාලයක් ගතවී ඇති බව සඳහන්.
ඇලිස් ස්ප්‍රිංග්ස් ගුවන් තොටුපළේ රේගු කටයුතු ක්‍රියාත්මක නොවන බැවින් මගීන්ට ගුවන් යානයෙන් පිටතට පැමිණීමට පවා නොහැකිවීමෙන් දැඩි අපහසුතාවයට පත්ව සිටි බවටයි වාර්තා වන්නේ.
එහිදී ගුවන් මගීන් නොසන්සුන්ව හැසිරී ඇති බවටද වාර්තා පළවී තිබෙනවා.
