ඔස්ට්‍රේලියාව තුළ පුරුෂයන්ට සාපේක්ෂව කාන්තාවන් වැටුප් නොමැතිව විවිධ සේවාවල නිරතවීම ඉහළ ගොස් ඇතැයි අනාවරණ වී තිබෙනවා.
ගෘහ සේවය – child care – adult care සහ විවිධ ස්වේච්ඡා කටයුතු ඒ අතර වන බවයි සංඛ්‍යාලේඛන කාර්යාංශය නිකුත් කර ඇති නිවේදනයක දැක්වෙන්නේ.
වැටුප් ලැබෙන රැකියාවක් නොකරන ගෘහණියක සාමාන්‍ය දිනකදී පැය 04 යි විනාඩි 31 ක කාලයක් කිසිදු ගෙවීමක් නොලබන රාජකාරි සිදුකරන බවද වැටුප් ලැබෙන රැකියාවක් නොකරන පිරිමියෙකු සැළකීමේදී එය පැය 03 යි විනාඩි 12 ක් බවද අනාවරණ වී තිබෙනවා.
වැටුප් ලබන රැකියාවක් කරන පිරිමි අයෙකු දිනකට පැය 08 යි විනාඩි 13 ක කාලයක්ද කාන්තාවක දිනකට පැය 07 යි විනාඩි 12 ක් ද ලෙස රාජකාරි සිදුකරන බවයි සංඛ්‍යාලේඛණ කාර්යාංශය පවසන්නේ.
ඔස්ට්‍රේලියානුවන්ගෙන් වැඩි පිරිසක් නිවසේ සිටියදී විවේක කාලය ගත කිරීම සඳහා වැඩිම කාලයක් ගතකරනුයේ රූපවාහිනිය නැරඹීමට බවයි තවදුරටත් හෙළිවී ඇත්තේ.
