ඕස්ට්‍රේලියාවේ ජාත්‍යන්තර සිසුන් නැවත ගෙන්වා ගැනීමට ෆෙඩරල් රජයේ අනුමැතිය

ඕස්ට්‍රේලියාවේ​ ජාත්‍යන්තර සිසුන් නැවත ගෙන්වා ගැනීමට ෆෙඩරල් රජයේ අනුමැතිය

Government Approves Pilot Trial to bring back International Students

ජාත්‍යන්තර සිසුන් 300 ක් ඇඩිලේඩ් වෙත ගෙන ඒමට ෆෙඩරල් රජය අනුමැතිය ලබා දී ඇති බව Flinders විශ්ව විද්‍යාලය තහවුරු කර තිබේ. ජාත්‍යන්තර අධ්‍යාපනය නැවත ආරම්භ කිරීම අරමුණු කරගත් නව නියමු යෝජනා ක්‍රමය (new pilot scheme) යටතේ සිසුන් 300 දෙනෙකුට නැවත ඇඩිලේඩ් වෙත පැමිණීමට අනුමැතිය ලබා දී ඇත.

සිසුන්ගෙන් බහුතරයක් සිංගප්පූරුවෙන් පියාසර කරනු ඇතැයි අපේක්ෂා කරන අතර ඔවුන්ගේ පැමිණීම නොවැම්බර් මාසයේදී සිදුවනු ඇතැයි අපේක්ෂා කෙරේ.

ඕස්ට්‍රේලියානු සහ උතුරු දේශසීමා රජයන් වල අනුමැතිය ඇති දෙවන නියමු යෝජනා ක්‍රමය යටතේ, නොවැම්බර් 9 වන දින ජාත්‍යන්තර සිසුන් 70 ක් පමණ Charles Darwin විශ්ව විද්‍යාලයට සිංගප්පූරුවේ සිට ඩාවින් වෙත පැමිණෙනු ඇත.

COVID-19 හේතුවෙන් මාර්තු මාසයේ දී දැඩි දේශසීමා සීමාවන් හඳුන්වා දීමෙන් පසු ඕස්ට්‍රේලියාවට ඇතුළු වීමට නියමිත​ පළමු ජාත්‍යන්තර සිසුන් කණ්ඩායම මෙය​ වනු ඇත.

පැමිණීමෙන් පසු, දින 14 ක් නිරෝධායනය සඳහා සිසුන් වහාම ඩාවින් හි පිහිටි Howard Springs නිරෝධායන ස්ථානයට ගෙන යනු ලැබේ.

CDU හි නියෝජ්‍ය උපකුලපති Andrew Everett පැවසුවේ සිසුන් නැවත පැමිණීම සුරක්ෂිත කිරීම සඳහා පසුගිය මාස හය තුළ තම කණ්ඩායම වෙහෙස මහන්සි වී වැඩ කළ බවත්, ඩාවින් හි ප්‍රජාවට සහතික කිරීමට අවශ්‍ය වූයේ සියලු සෞඛ්‍ය හා ආරක්ෂක පියවරයන් දැඩි ලෙස පවත්වාගෙන යනු ඇති බවයි.

චීනය, අග්නිදිග ආසියාව ඇතුළු රටවල් ගණනාවකින් සිසුන් පැමිණීමට ඉඩ තිබේ. ඔවුන් සිංගප්පූරුවේ සිට ඩාවින් දක්වා ඔවුන්ගේ වියදමින් ගමන් කරනු ඇත.