සිල්ලර වෙළඳසැල් සේවකයන්ගේ ආරක්ෂාව තහවුරු කෙරෙන නීති දැඩි කරන්නැයි නොදර්න් ටෙරිටරි (Northern Territory) ප්‍රාන්තයේ සේවක සහ හිමිකරුවන්ගේ සංගම් ප්‍රාන්ත රජයෙන් ඉල්ලීමක් කරනවා.
රාජකාරි අතරතුරදී සේවකයන්ට එල්ලවන බලපෑම් ඉහළගොස් තිබීමයි ඊඨ හේතුව වන්නේ.
පසුගිය මාස 12 සැළකූ විට Northern Territory හි සිල්ලර වෙළඳාම් සේවකයන්ට එරෙහි තර්ජන සියයට 85 කින් පමණ වැඩිවී ඇති බව නවතම වාර්තාවක සඳහන්.
ශාරීරික හිංසන – ආහාර පානවලින් පහරදීම් මෙන්ම ඇතැම්විට කෙළ ගැසීම් වැනි සිදුවීම් පවා ඒ අතර වන බවටයි තහවුරු වී ඇත්තේ.
අවි ආයුධ සහ තියුණු ආයුධ සහිතව පැමිණෙන පුද්ගලයන්ගෙන් මරණීය තර්ජන පවා එල්ලවූ අවස්ථාද දක්නට ඇති බව සේවක සංගම් ප්‍රකාශ කර තිබුණා.
කෙසේවෙතත් පවතින නීති ශක්තිමත් නොමැතිවීම හමුවේ සැකකරුවන්ට එරෙහිව පියවරක් ගැනීම අසීරු වී ඇති බවයි Northern Territory සේවක වෘත්තීය සංගම් පෙන්වා දෙන්නේ.
