චීන ජාතිකයන් සංචාරක කණ්ඩායම් ලෙස සංචාර සඳහා යොමු කල හැකි රටවල් 20 ක ලැයිස්තුවක් චීන රජය විසින් ප්‍රකාශයට පත් කර තිබෙනවා.
ඊට ඔස්ටේ්‍රලියාව ඇතුළත්ව නොමැති නමුත් ශ්‍රී ලංකාව ඇතුළත්ව තිබීම විශේෂත්වයක්.
එය චීනයෙන් පැමිණෙන සංචාරකයන් සඳහා අමතර කොවිඩ් පරීක්ෂණ රෙගුලාසි පැණවීමට ඔස්ටේ්‍රලියාව විසින් ගනු ලැබූ තීරණයට ප්‍රතිචාර දැක්වීමක් ලෙසයි සැළකෙන්නේ.
මෙම තීරණය හමුවේ ඔස්ටේ්‍රලියාවේ සංචාරක ආදායමට සැළකිය යුතු බලපෑමක් එල්ලවනු ඇති බවද සඳහන්.
චීන ජාතිකයන් මෙරට ආර්ථිකයේ ප්‍රධාන කොටසක් වීම ඊට හේතුවයි.
2019 වසරේදී ඔස්ටේ්‍රලියාවට පැමිණි චීන සංචාරකයන් ලක්ෂ 14 කට ආසන්න පිරිස හේතුවෙන් ලැබුණු ආදායම ඩොලර් බිලියන 10.3 ක් ලෙසටයි ගණන් බලා තිබුණේ.
කෙසේවෙතත් තනි සංචාරකයන් සඳහා මෙම තීරණය බල පාන්නේ නැහැ.
