නාසි සංකේත ප්‍රදර්ශනය සම්බන්ධයෙන් නව නීති රෙගුලාසි හඳුන්වාදීමට බටහිර ඔස්ටේ්‍රලියා ප්‍රාන්ත රජයද සූදානම් වනවා.
ඒ අනුව ස්වස්තිකය ඇතුලු ලාංඡන ප්‍රදර්ශනය කරන හෝ භාවිත කරන පුද්ගලයන්ට එරෙහිව දැඩි නීති පැණවීමට නියමිතයි.
පච්ච ලෙස නාසි සංකේත භාවිතයද මේ යටතේ තහනම් කෙරෙනු ඇති.
ඇතැම්විට සිර දඩුවම් පවා නියමවිය හැකි මීට අදාළ නීති රෙගුලාසි සකස් කිරීම මේ වනවිටත් ආරම්භ කර ඇති බව බටහිර ඔස්ටේ්‍රලියා ප්‍රාන්ත රජය සඳහන් කලා.
වික්ටෝරියා සහ නිවු සවුත් වේල්ස් ප්‍රාන්ත රජයන් විසින් නාසි සංකේත ප්‍රදර්ශනය මේ වනවිට අපරාධමය වරදක් බවට පත් කර තිබෙනවා.
ක්වීන්ස්ලන්ඩ් සහ ටස්මේනියා ප්‍රාන්ත රජයන් විසින්ද එවැනි නීති හඳුන්වාදීමටයි සූදානමින් පසුවන්නේ.
