ක්වන්ටාස් ගුවන් යානයක් උඩු ගුවනේදී කාර්මික දෝෂයක

උඩු ගුවනේදී කාර්මික දෝෂයකට ලක්වූ ක්වන්ටාස් ගුවන් යානයක් ආරක්ෂිතව සිඩ්නි ජාත්‍යන්තර ගුවන් තොටුපළට ගොඩබස්වා තිබෙනවා.

QF 144 දරන බෝයිං 737 වර්ගයේ මෙම යානය නවසීලන්තයේ ඕක්ලන්ඩ් නුවරින් ගමන් ආරම්භ කර තිබුණේ මගින් 168 දෙනෙකුද සමගයි.

අඩි 38,000 ක් උඩු ගුවනේ ගමන් කරමින් තිබූ යානය ඔස්ටේ්‍රලියාව ආසන්නයේදී එක්වරම අඩි 20,000 ක් දක්වා පහතට වැටී තිබුණා.

ගුවන් යානයේ එක් එන්ජිමක හටගත් කාර්මික දෝෂයක් මීට බලපා ඇති අතර ඒ අනුව අනතුරු ඇගවීම් සංඥාවක් නිකුත් කිරීමටයි නියමුවන් පියවර ගෙන ඇත්තේ.

සිඩ්නි වේලාවෙන් පස්වරු 03.28 ට මෙම ක්වන්ටාස් ගුවන් යානය සිඩ්නි ජාත්‍යන්තර ගුවන් තොටුපළට ආරක්ෂිතව ගොඩබස්වා ඇති අතර මගීන් කිසිවෙකුටත් බලපෑමක් සිදුවී නොමැති බව සඳහන්.

මෙම සිදුවීම අද වාර්තාවූයේ ලොව ආරක්ෂිතම ගුවන් සේවය බවට ක්වන්ටාස් ගුවන් සේවය නම් කර දින කිහිපයක් ගතවීමට පෙරවීමද විශේෂත්වයක්.

විදෙස් රටක අතරමං වූ ඔස්ට්‍රේලියානුවන් රැගෙන එන්න රජයෙන් සැලසුමක්

නිව් කැලිඩෝනියාවේ අර්බුධකාරී වාතාවරණය හේතුවෙන් අතරමංව සිටින ඔස්ට්‍රේලියානුවන් මව් රටට ගෙන ඒමට රජය විශේෂ වැඩසටහනක් ආරම්භ කර තිබෙනවා.

Read More »

විරෝධතාකරුවන් පිරිසක් අදත් මෙල්බන්වල කලබලයක් කරන්න සූදානම් බවට තොරතුරු

පලස්තීන හිතවාදී ආධාරකරුවන් මෙල්බන්හි වික්ටෝරියානු කම්කරු පක්ෂ සමුළුවට බලහත්කාරයෙන් කඩා වැදීමෙන් පසු දෙවන දිනටත් විරෝධතා ව්‍යාපාරයක් ආරම්භ කිරීමේ සැලසුමක් ඇතැයි වාර්තා වනවා.

Read More »

ඔස්ට්‍රේලියාවේ තරුණ කණ්ඩායම් අවදානමක

ත්‍රස්තවාදී කණ්ඩායම්වලට සාමාජිකයන් බඳවා ගන්නන් විසින් ඔස්ට්‍රේලියානු තරුණයන් රැඩිකල් මතවාදවලට හුරු කරන ආකාරය පිළිබඳ ත්‍රස්ත විරෝධී විශේෂඥයෙකු අනතුරු අඟවා තිබෙනවා.

Read More »

වික්ටෝරියා ප්‍රාන්තයට අලුත් නීතියක් ගේන්න අගමැතිනිය සූදානමින්

සිල්ලර වෙළඳසල්, ආගන්තුක සත්කාර හෝ ප්‍රවාහනය වැනි සේවාවන් ලබා ගන්නා ගනුදෙනුකරුවන් විසින් එම සේවාවන් ලබාදෙන සේවකයින් හිංසනයට පත් කිරීමේ සිදුවීම්වලට එරෙහිව නව නීති හඳුන්වා දීමට වික්ටෝරියානු රජය සැලසුම් කර තිබෙනවා.

Read More »