ඔස්ටේ‍රලියානු ආර්ථිකය මෙම වසරේදී ඉහළයෑම් සහ පසුබෑම්වලින් සමන්විත මිශ්‍ර ස්වරූපයක් ගනු ඇතැයි ෆෙඩරල් භාණ්ඩාගාරික ඇමති ජිම් චාමර්ස් පවසනවා.
රැකියා තත්වය පිළිබඳ සතුටුදායක තත්වයක් පැවතියද යුක්රේන රුසියා අර්බුදය වැනි පාලනය කල නොහැකි ඇතැම් සාධක හමුවේ ඔස්ටේ්‍රලියා ආර්ථිකයටද බලපෑම් එල්ලවන බවයි ඔහු පෙන්වා දෙන්නේ.
නව රජය බලයට පත්වී පළමු මාස 06 තුළදී එනම් පසුගිය වසරේ මැයි සිට නොවැම්බර් දක්වා මාස 06 තුළදී නව රැකියා 234,000 ක් නිර්මාණය වී ඇති බව භාණ්ඩාගාරික අමාත්‍යවරයා ප්‍රකාශ කලා.
එය සංවර්ධිත අනෙකුත් රටවල් හා සැසඳීමේදී ශක්තිමත් ස්ථාවරයක් බව ඔහුගේ අදහසයි.
ඉදි කිරීම් – සිල්ලර වෙළඳාම් සහ ආගන්තුක සත්කාර වැනි සෑම අංශයකින්ම රැකියා වර්ධනය වී ඇති බවයි ෆෙඩරල් භාණ්ඩාගාරික ඇමති ජිම් චාමර්ස් ප්‍රකාශ කලේ.
