ශ්රී ලංකාවේ ණය ප්රතිව්යූහගතකරණ වැඩපිළිවෙල තවදුරටත් ප්රමාද විය හැකි බව ස්ටෑන්ඩර්ඩ් චාර්ටඩ් ජාත්යන්තර බැංකුව පවසනවා.
ඔවුන් විසින් සිදුකරන ලද නවතම ඇගයීම් වාර්තාවක මේ බව සඳහන්.
ජාත්යන්තර මූල්ය අරමුදලේ වැඩසටහනේ ප්රමාදයන් හේතුවෙන් ණය ප්රතිව්යුහගත කිරීම මෙම වසර අවසානය දක්වා කල් යනු ඇති බවයි ස්ටෑන්ඩර්ඩ් චාර්ටඩ් බැංකුව සඳහන් කර සිටින්නේ.
ණය හිමියන් සමග සාකච්ඡා තවදුරටත් ප්රමාද වීමේ ප්රතිඵලයක් වශයෙන්, ණය ප්රතිව්යුහගත කිරීමේ වැඩපිළිවෙලකට එළැඹීමට හැකිවන්නේ 2023 අවසානය වන විට පමණක් බව ඔවුන් අවධාරණය කරනවා.
මේ අතර ශ්රී ලංකාවේ බැංකු 10 ක ශ්රේණිගත කිරීම තවදුරටත් පහළ හෙළීමට ෆිච් රේටින්ග්ස් ආයතනය ද පියවර ගෙන තිබෙනවා.