ලියාපදිංචි නොවු සමාගම් අධ්‍යක්ෂවරුන්ට තවත් සති 02 ක්

ලියාපදිංචි අංකයක් ලබාගැනීමට නොහැකිවු ඔස්ටේ්‍රලියාවේ සමාගම් අධ්‍යක්ෂවරුන් සඳහා තවත් සති 02 ක කාලයක් දීමට ඔස්ටේ්‍රලියානු බදු කාර්යාලය තීරණය කර තිබෙනවා.

දැනට මෙරට සමාගම් අධ්‍යක්ෂවරුන් මිලියන 2.5 කට ආසන්න පිරිසක් සිටින අතර ඉන් ලක්ෂ 07 කට ආසන්න පිරිසක් ඊයේ වනවිට ලියාපදිංචි වී නොසිටි බවයි මේ වනවිට තහවුරු කරගෙන ඇත්තේ.

විවිධ වංචා වැලැක්වීම සහ සමාගම් අභ්‍යන්තරයේ සිදුකරන විවිධ අයථා ක්‍රියා වළක්වාලීමේ අරමුණ ඇතිවයි බදු කාර්යාලය විසින් මෙම අනන්‍ය අංකය ලබාගන්නා ලෙස සමාගම් අධ්‍යක්ෂවරුන්ට දැනුම්දීමක් සිදුකලේ.

ඊයේ දිනය වනවිට එලෙස ලියාපදිංචි නොවී සිටි සෑම අයෙකුටම ඩොලර් 13,000 ක දඩ මුදලක් පණවන බවටත් බදු කාර්යාලය විසින් අනතුරු අගවා තිබුණා.

කෙසේවෙතත් ප්‍රමාණවත් කාලයක් නොලැබීම සහ තමන් දැනුවත්ව නොසිටි බවට සමාගම් අධ්‍යක්ෂවරුන් සැළකිය යුතු පිරිසක් විසින් දන්වා තිබීම හමුවේ අමතර සති 02 ක කාලයක් ඒ සඳහා ලබාදීමටයි තීරණය වී ඇත්තේ.

ලියාපදිංචි කාලය තුළදී වැඩිම අධ්‍යක්ෂවරුන් පිරිසක් අදාළ අංකය ලබාගෙන තිබුණේ පසුගිය 28 වනදා වන අතර එය 78,000 කට අධිකයි.

ඔස්ට්‍රේලියාවේ පුරප්පාඩු පිරවීමට ගුරු උපාධි අපේක්ෂකයින්ට ඩොලර් 40000ක ශිෂ්‍යත්ව

රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40000ක ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.

Read More »

ඔස්ට්‍රේලියාවේ ඉල්ලීමක් ට්විටර් ප්‍රතික්ෂේප කරයි

සිඩ්නි දේවස්ථානයකදී සිදු වූ පිහි ඇනුම සම්බන්ධ වීඩියෝ සමාජ මාධ්‍ය ඔස්සේ හුවමාරු විම වැළැක්වීමට කටයුතු කරන ලෙසට බලධාරීන් ට්විටර් ඇතුලු සමාජ මාධ්‍ය ප්‍රධානීන්ගෙන් ඔස්ට්‍රේලියා ඊ සේෆ්ටි කොමසාරිස්වරයා ඉල්ලීමක් කර තිබෙනවා.

Read More »

රෝගියෙකුට කොවිඩ් ආසාදිතව සිටි දීර්ඝතම කාලය වාර්තා වෙයි

කොවිඩ් වෛරසය ආසාධනය වී දින 613ක්, එනම් වසරකුත් මාස 8ක පමණ කාලයක් ගතවී ඇතත් සුවය නොලැබූ පුද්ගලයෙක් පිළිබඳ නෙදර්ලන්තයෙන් වාර්තාවී තිබෙනවා.

Read More »

ඊශ්‍රායලයට උපරිම මට්ටමින් ප්‍රතිචාර දක්වන්න ඉරානයෙන් සැලසුම්

ගැටුම් නතර කර සන්සුන් වන ලෙසට ලෝකයම ඉල්ලා සිටින අවස්ථාවක ඊශ්‍රායලය ඊට එරෙහිව ක්‍රියා කළහොත් තම උපරිම මට්ටමින් ප්‍රතිචාර දක්වන බව ඉරානය අවධාරණය කරනවා.

Read More »

සිඩ්නි පිහි ඇනුමෙන් බලපෑමට ලක්වූවන්ට රජයෙන් සහන පැකේජයක්

බොන්ඩායි ජන්ෂන් හි වෙස්ට්ෆීල්ඩ් වෙළඳ සංකීර්ණයේ ඛේදවාචකයෙන් බලපෑමට ලක් වූ කම්කරුවන් සහ ව්‍යාපාර සඳහා නිව් සවුත්වේල්ස් ප්‍රාන්ත රජය ආධාරක පැකේජයක් ප්‍රකාශයට පත් කර තිබෙනවා.

Read More »