මෙන්තෝල් වැනි විවිධ රසයන්ගෙන් යුත් දුම්වැටි තහණම් කිරීමට ෆෙඩරල් රජය තීරණය කර තිබෙනවා.
එමෙන්ම දුම්වැටි අසුරණ ආකර්ශනීය නොවන අයුරින් මුද්‍රණය කරන ලෙසටද නිෂ්පාදකයන්ට දන්වා සිටීමටයි පියවර ගෙන ඇත්තේ.
ඔස්ටේ්‍රලියාව තුළ දුම්වැටි භාවිතය හැකිතාක් අවම කිරීම අරමුණු කරගනිමින් ෆෙඩරල් රජය විසින් මෙම තීරණය ගෙන තිබෙනවා.
මීට අමතරව තරුණ තරුණියන් අතර අතිශය ජනප්‍රිය විද්‍යුත් දුම්වැටි පාලනයට සහ නියාමනයට විධිමත් පියවර ගැනීම කෙරෙහිද සෞඛ්‍ය අංශවල අවධානය යොමුවී ඇති බව සඳහන්.
දැනට දිනකට ලක්ෂ 04 කට ආසන්න පිරිසක් vape උපකරණ භාවිත කරන අතර ඉන් සියයට 10 ක් පමණ වයස අවුරුදු 16 ත් 24 ත් අතර තරුණ තරුණියන් බවටයි හඳුනාගෙන ඇත්තේ.
දුම්වැටි භාවිතය සම්බන්ධ රෝග හමුවේ පසුගිය වසරේදී ඔස්ටේ්‍රලියා රජයට දැරීමට සිදුවු පිරිවැය ඩොලර් බිලියන 81 ක් බවට ගණන් බලා තිබෙනවා.
2030 වසර වනවිට දුම් පානය කරන්නන්ගේ ප්‍රතිශතය සියයට 05 කට අඩු කිරීමයි ෆෙඩරල් රජයේ ඉලක්කය වී ඇත්තේ.
