ඔස්ටේ්‍රලියාවට මුහුදු මාර්ගයෙන් (sea mail) එවන භාණ්ඩ නැවත භාරගැනීමට Australia Post තීරණය කර තිබෙනවා.
විවිධ නීති විරෝධී ද්‍රව්‍ය පැමිණීමේ අවධානම ඉහළ මට්ටමක පැවතීම සහ නත්තල් සමය ඉලක්ක කර අති විශාල භාණ්ඩ ප්‍රමාණයක් ගොඩගැසී පැවතීම හමුවේ හරහා පැමිණෙන භාණ්ඩ භාර නොගැනීමටයි Australia Post පසුගිය ඔක්තෝබර් මාසයේදී කටයුතු කලේ.
ගුවන් භාණ්ඩ වලට වඩා සැළකිය යුතු කාලයක් ගතවුවද පිරිවැය අවම වීමත් – විශාල භාණ්ඩ ප්‍රමාණයක් එකවර යැවීමටත් හැකිවීම හමුවේ මුහුදු මාර්ගයෙන් භාණ්ඩ යැවීම ලාභදායික ක්‍රමයක් ලෙසයි සැළකෙන්නේ.
මුහුදු මාර්ගයෙන් එවන සෑම භාණ්ඩයක්ම වෙන වෙනම පරීක්ෂා කල යුතුවීම හමුවේ ඒවා නිෂ්කාශනයට වැයවන කාලයද ඉහළ මට්ටමක පවතිනවා.
කෙසේවෙතත් දේශ සීමා ආරක්ෂණ නිළධාරීන්ගේද සහය මත නැවත වරක් සේවා ආරම්භ කෙරෙන බවයි Australia Post අද නිවේදනය කර සිටියේ.
