ලබන වසරේදී පැවැත්වෙන ඔස්ටේ‍රලියානු විවෘත ටෙනිස් තරගාවලිය සඳහා පැමිණීමට සර්බියානු ටෙනිස් ශූර නොවැක් ජොකොවිච් ට වීසා නිකුත් කිරීමට ෆෙඩරල් රජය තීරණය කර තිබෙනවා.
නිසි එන්නත්කරණ අවශ්‍යතා සපුරාලීමට නොහැකිවීමේ චෝදනා මත ඔහු පසුගිය ජනවාරි මාසයේදී මෙල්බන් නුවරින් පිටුවහල් කෙරුණේ වසර 03 ක තහනමක් ද පැණවීමෙන් අනතුරුවයි.
කෙසේවෙතත් ඔස්ටේ‍රලියා සංක්‍රමණ ඇමති ඇන්ඩෲ ගයිල්ස් විසින් අද දිනයේදී එම වාරණය ඉවත් කර ඇති බව සඳහන්.
ඔස්ටේ්‍රලියාවට පැමිණෙන පුද්ගලයන් සඳහා තවදුරටත් එන්නත්කරණය අනිවාර්ය අවශ්‍යතාවයක් නොවීම ඊට හේතුවයි.
මේ අනුව ලබන ජනවාරි මාසයේ පැවැත්වෙන ඔස්ටේ්‍රලියානු විවෘත ටෙනිස් ශූරතාවයේදි සිය 22 වන ග්‍රෑන්ඩ් ස්ලෑම් ශූරතාවය දිනාගැනීමේ අරමුණ ඇතිව නොවැක් ජොකොවිච් මෙල්බන් වෙත පැමිණිමට නියමිතයි.
ඔහුගේ නීතීඥයන් මාස ගණනක් පුරා සිදුකල මැදිහත්වීමක ප්‍රථිඵලයක් ලෙසයි මෙම වීසා තහනම ඉවත් කරවා ගැනීමට හැකිවී ඇත්තේ.
