ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක විසින් අතවරයට ලක්කල බව කියන කාන්තාව දින කිහිපයකට පෙර මොළයේ ස්කෑන් පරීක්ෂණයකට පවා ලක්වී ඇතැයි අනාවරණ වී තිබෙනවා.
මේ බව හෙළිවන්නේ අද සිඩ්නි අධිකරණයක් හමුවේ ගොණුකල ලේඛනවලට අනුවයි.
ධනුෂ්ක ගුණතිලක විසින් ඇයට දරුණු ලෙස පහරදී ඇතැයි මෙමගින් හෙළිවන බව පැමිණිලිකාර පාර්ශවය සඳහන් කර තිබෙනවා.
ඇය මෙම සිදුවීමට ලක්වූ දිනයට පසුදාම උපදේශන සේවාවක පවා සහය ගෙන ඇතැයි සඳහන්.
නොවැම්බර් 05 වනදා ඇය රෝහල්ගතවී ඇත්තේ ප්‍රතිකාර ලබාගැනීම සඳහායි.
මේ අතර ධනුෂ්ක ගුණතිලක වෙනුවෙන් නීතීඥ සහාය ලබාදීම සඳහා සිඩ්නි නුවර නීතීඥ සමාගමක් වන SANS Law තෝරාගෙන තිබෙනවා.
