ඉදිරි මැතිවරණයේදී ජයගතහොත් වික්ටෝරියා ප්‍රාන්තය සඳහා තවත් අමතර හෙදියන් 40,000 ක් පුහුණු කිරීමට පියවර ගන්නා බවට වික්ටෝරියා විපක්ෂය සහතික වනවා.
ප්‍රාන්තයේ සෞඛ්‍ය නගා සිටුවීමේ ඩොලර් මිලියන 325 ක සැළසුමට එයද අයත් බවයි ලිබරල් සන්ධානය පවසන්නේ.
මැතිවරණය ඉලක්ක කර ලේබර් පක්ෂය සහ විපක්ෂ ලිබරල් සන්ධානය අතර අද පැවති විවාදයකදී මෙම තොරතුරු අනාවරණය වුණා.
මෙහිදී අදහස් පළකල ලේබර් පක්ෂ නියෝජිතවරිය පෙන්වා දුන්නේ වත්මන් පාලක පක්ෂය විසින් දැනටමත් සෞඛ්‍ය සේවකයන් 26,000 ක් බඳවා ගෙන ඇති බවයි.
තවත් 24,000 ක් ඉදිරියේදී බඳවා ගැනීමට නියමිත බවද ඇය කියාසිටියා.
2024 වසර වනවිට ප්‍රජා රෝහල් 10 ක් ඉදි කර අවසන් කිරීමට ලේබර් පක්ෂ රජය පියවර ගන්නා බවද මෙහිදී අනාවරණය වුනා.
