විදුලි සහ ගෑස් මිළ ගැන රජයෙන් පොරොන්දුවක්

විදුලි සහ ගෑස් මිළ අවම කිරීමට හැකිදැයි සොයා බලන බව ෆෙඩරල් භාණ්ඩාගාරික අමාත්‍ය ජිම් චාමර්ස් පවසනවා.

රුසියානු – යුක්රේන අර්බුදය හමුවේ ලොව පුරා බලශක්ති මිළ ගණන් කැපී පෙනෙන ලෙස ඉහළ ගොස් ඇති බවත් ඉන් ගැලවීමට ඔස්ටේ‍රලියාවටද හැකියාවක් නොමැති බවත් ඔහු සඳහන් කලා.

කෙසේවෙතත් පාරිභෝගික ජනතාවට දිය හැකි සහනයක් ඇත්නම් එය ලබාදීමට ෆෙඩරල් රජය පසුබට නොවන බවයි භාණ්ඩාගාරික අමාත්‍යවරයා අවධාරණය කර සිටියේ.

ඉදිරි වසර 02 දී ඔස්ටේ්‍රලියාව තුළ විදුලි බිල් ගාස්තු සියයට 50 කින් පමණ ඉහළ යා හැකි බවට අනතුරු ඇගවෙනවා.

ලබන වසර සඳහා වන අයවැය ලේඛනය පාර්ලිමේන්තුවට ඉදිරිපත් කරමින් ෆෙඩරල් භාණ්ඩාගාරික අමාත්‍ය ජිම් චාමර්ස් සඳහන් කලේ මෙම වසර අවසන් වීමට පෙර විදුලි බිල් ගාස්තු සියයට 20 කින් පමණ වැඩිවනු ඇති බවයි.

2023-24 වසරවලදී එය තවත් සියයට 50 කින් පමණ ඉහළ යනු ඇති බවටද ඔහු අනතුරු අගවා සිටියා.

රුසියානු යුක්රේන අර්බුදය හේතුවෙන් ගෑස් මිළ ගණන්වල අඩුවීමක්ද අපේක්ෂා කල නොහැකි බව අමාත්‍යවරයා පෙන්වා දුන්නා.

ඒ අනුව 2024 අවසානය වනවිට ගෑස් මිළ ගණන් සියයට 40 කින් පමණ ඉහළ යා හැකි බවටයි ඔහු අනාවැකි පළකලේ.

ජීවිත 7ක් අහිමි කළ මෝටර් රථ ධාවන තරගාවලියේ දෙදෙනෙක් අත්අඩංගුවේ

දියතලාව ෆොක්ස් හිල් සුපර්ක්‍රොස් ධාවන තරගයේදී සිදු වූ අනතුරට අදාළව රියදුරන් දෙදෙනෙකු පොලිසිය විසින් අත්අඩංගුවට ගෙන තිබෙනවා.

Read More »

ඊශ්‍රායලයේ අමානුෂික ප්‍රහාරයක් ගැන ජාත්‍යන්තර අවධානය

දකුණු ගාසා තීරයේ රෆා නගරයට ඊශ්‍රායලය එල්ල කළ ප්‍රහාරවලින් කුඩා ළමයින් 18 දෙනෙකු ඇතුලු පුද්ගලයින් 22ක් ජීවිතක්ෂයට පත්වී තිබෙනවා.

Read More »

නොදැනුවත්කම නිසා දඬුවම් ලැබිය හැකි නීතියක් ගැන දැනුවත් කිරීමක්

ඔස්ට්‍රේලියානු නීතියට අනුව වයස අවුරුදු 18ට අඩු දරුවන් සඳහා ද ස්වාධීන අයිතීන් ව්‍යවස්ථාපිතව ලබා දී තිබෙන බව නීතිඥ මදූ වර්ණකුලසූරිය පවසනවා.

Read More »

ඔස්ට්‍රේලියානු ළදරුවන්ගේ ආහාර අසාත්මිකතාවට හේතු සොයා පරීක්ෂණ

ඔස්ට්‍රේලියාවේ ළදරුවන්ගෙන් සියයට 10කට පමණ බලපාන ආහාර අසාත්මිකතා ගැටලුව සම්බන්ධයෙන් බලධාරීන්ගේ අවධානය යොමුවී තිබෙනවා.

Read More »