ජල ගැලීම් තත්වය පහවයාමත් සමග වික්ටෝරියා ප්‍රාන්තවාසීන්ට රෝග කිහිපයක් සම්බන්ධයෙන් අනතුරු ඇගවීම් සිදුකෙරෙනවා.
ඉදිරි සති කිහිපයේදී මදුරු ගහණය කැපී පෙනෙන ලෙස ඉහළයාමත් සමග ජැපනීස් එන්සෙපලයිටීස් වැනි රෝග ආසාධනය වන සංඛ්‍යාව ඉහළ යා හැකි බවටයි පුරෝකථනය කර ඇත්තේ.
ඊට අමතරව Ross River virus සහ Murray Valley encephalitis (MVE) යන රෝග වැළඳෙන සංඛ්‍යාවේ ඉහළයාමක් පිළිබඳවද සෞඛ්‍ය අංශ අනතුරු ඇගවීමක් සිදුකරනවා.
විශේෂයෙන් ගොවිපොළ ආශ්‍රිතව වාසය කරන හෝ රැකියා කරන පිරිස් මේ සම්බන්ධයෙන් වැඩි අවධානයක් යොමුකල යුතු වනවා.
මීට අමතරව ජලය බැස යාමෙන් පසු හටගත හැකි වෙනත් රෝග පිළිබඳවද අවධානය යොමු කරන්නැයි වෛද්‍ය අංශ වික්ටෝරියා ප්‍රාන්තවාසීන්ට දන්වා සිටිනවා.
