ඔස්ට්‍රේලියාව තුළදී ශිෂ්‍ය වීසා ලාභීන්ට දැනට ලබා දී ඇති අසීමිත පැය ගණනක් රැකියා කිරීමේ සහනය ලබන වසරේ ජූනි 30 වනදායින් අවසන් කිරීමට ෆෙඩරල් රජය ස්ථිර තීන්දුවකට එළැඹී තිබෙනවා.
ස්වදේශ කටයුතු අමාත්‍ය ක්ලෙයාර් ඔ-නිල් සඳහන් කලේ ඒ දක්වා සති 02 කට පැය 40 උපරිම සීමාව ඉක්මවා රැකියාවල නිරතවීමට සිසුන්ට අවසර හිමිවන බවයි.
රට තුළ දැනට පවතින දැඩි සේවක හිගය මගහරවා ගැනීමේ එක් පියවරක් ලෙසයි මීට මාස කිහිපයකට ඉහතදී මෙම සහනය ලබාදීමට පියවර ගැණුනේ.
2022-23 වසරට අදාළ සංක්‍රමණ වැඩසටහන සඳහා මෙවර අයවැයෙන් වෙන් කර ඇති මුදල ඩොලර් මිලියන 448 ක්.
ඔස්ට්‍රේලියානු සංක්‍රමණ වැඩසටහන ප්‍රවර්ධනය සඳහා ලබන වසර වෙනුවෙන් වෙන් කර ඇති මුදල ඩොලර් මිලියන 6.2 ක් බව ස්වදේශ කටයුතු අමාත්‍යවරිය නිවේදනය කර සිටිනවා.
