TAFE සිසුන් 480,000 ක් සඳහා නොමිළයේ අධ්‍යාපන අවස්ථා පිරිනැමීමට ලේබර් පක්ෂ රජය තීරණය කර තිබෙනවා.
දැඩි සේවක හිගයක් පවතින ක්ෂේත්‍ර සඳහා එහිදී ප්‍රමුඛත්වය පිරිනැමෙන අතර Child care – Aged Care වැනි අංශ ඉලක්ක කරගත් 180,000 කට වෘත්තිමය පුහුණුව ලබාදීම ජනවාරි පළමුවනදා සිට ආරම්භ කෙරෙනු ඇති.
මේ සඳහා වසරකදී වැය කිරීමට යෝජිත මුදල ඩොලර් බිලියන 01 ක්.
2023-2024 කාලය තුළදී තවත් සිසුන් 20,000 කට විශ්ව විද්‍යාල වරම් උදාකරදීමද මෙවර අයවැයට ඇතුළත් ප්‍රධාන යෝජනාවක් බව ෆෙඩරල් භාණ්ඩාගාරික ඇමති ජිම් චාමර්ස් කියාසිටියා.
හෙදියන් – ගුරුවරුන් – ඉංජිනේරුවන් සහ තාක්ෂණ රැකියාවල නිරතවීමට අපේක්ෂා කරන සිසුන්ට එහිදී ප්‍රමුඛත්වය හිමිවනු ඇති.
අඩු ආදායම් ලාභී හෝ දුෂ්කර සහ ග්‍රාමීය ප්‍රදේශවල සිසුන්ට මෙම වරප්‍රසාදය හිමිවනවා.
