ඖෂධ මිළ ගණන් කැපී පෙනෙන ලෙස අඩු කිරීමට ලබන වසර සඳහා වන ෆෙඩරල් අයවැයෙන් යෝජනා කර තිබෙනවා.
ජනවාරි පළමුවනදා සිට ඖෂධ ප්‍රතිලාභ ක්‍රමය (PBS) යටතේ ඖෂධ වට්ටෝරුවක් සඳහා නියමකල හැකි උපරිම ගාස්තුව ඩොලර් 42.50 සිට ඩොලර් 30 දක්වා අඩු කෙරෙනු ඇති.
මේ හරහා රජයට වසර 04 කදී දැරීමට සිදුවන පිරිවැය ඩොලර් මිලියන 782 ක් ලෙසයි ගණන් බලා ඇත්තේ.
අදාළ ගාස්තු මෙතරම් අගයකට පහළ දැමෙන්නේ වසර 75 කට පමණ පසුවයි.
PBS ක්‍රමය සඳහා තවත් ඖෂධ වර්ග ගණනාවක් ඇතුළත් කිරීමට නියමිත බවද සඳහන්.
මේ අතර Medicare ප්‍රතිපාදන තවත් ඩොලර් බිලියන 2.9 කින් ශක්තිමත් කිරීමටද ලේබර් පක්ෂ රජය තීරණය කර තිබෙනවා.
දුෂ්කර සහ ප්‍රාදේශීය කලාපවල සේවය කිරීමට සූදානම් වෛද්‍යවරුන්ට ඩොලර් 10,500 ක දීමනාවක් පිරිනැමීමටද මෙවර අයවැයෙන් යෝජනා වුණා.
