හෙට සිට සතියේ දිනවල පස්වරු 03 ත් රාත්‍රී 07 ත් අතර කාලයේදී OPAL යන්ත්‍ර අක්‍රීය කර තැබීමේ වෘත්තීය ක්‍රියාමාර්ගය අත්හිටුවීමට සිඩ්නි ප්‍රවාහන වෘත්තීය සමිතිවලට සිදුවී තිබෙනවා.
ඒ අදාළ වෘත්තීය ක්‍රියාමාර්ගයට එරෙහිව ප්‍රාන්ත රජය විසින් අධිකරණමය ක්‍රියාමාර්ගක් ගැනීම හේතුවෙනුයි.
මේ අනුව අදාළ කාලසීමාව තුළදී නොමිළයේ දුම්රියේ ගමන් කිරීමට මගීන්ට උදාවන්නට තිබූ අවස්ථාවද අහිමිවනු ඇති.
වැටුප් ගැටලුව පදනම් කරගෙනයි හෙට සිට දිනකට පැය 04 ක කාලයක් OPAL යන්ත්‍ර අක්‍රීය කර වෘත්තීය ක්‍රියාමාර්ගයක නිරතවීමට සිඩ්නි ප්‍රවාහන වෘත්තිය සමිති තීරණය කරනු ලැබුවේ.
නඩුවේ වැඩිදුර කරුණු විමසීම ලබන සිකුරාදා සිදු කෙරෙනු ඇති.
