ශ්‍රී ලංකා සුපිරි වේගපන්දු යවන ක්‍රීඩක දුෂ්මන්ත චමීර පන්දුවාර 20 ලෝක කුසලානයේ ඉතිරි සියලුම තරගවලින් ඉවත් කර තිබෙනවා.
විස්සයි විස්ස ලෝක කුසලාන ක්‍රිකට් තරගාවලියේ එක්සත් අරාබි එමීර් කණ්ඩායමට එරෙහිව ඊයේ (18) පැවති තරගයේ දී ඔහු ආබාධයකට ලක්වීම ඊට හේතුවයි.
පාදයේ වළලුකර ආශ්‍රිතව ඇතිවූ මෙම ආබාධ තත්ත්වය හේතුවෙන් ඔහුට තරගාවලිය අහිමි වී තිබෙනවා.
ඔහු අද උදෑසන ස්කෑන් පරීක්ෂණයකට භාජනය කර තිබෙනවා.
මේ අතර එක්සත් අරාබි එමීර් රාජ්‍යයට එරෙහි තරගයේදී ප්‍රමෝද් මධුෂාන් ද ආබාධයකට ලක්ව තිබෙනවා.
මේ අතර දනිෂ්ක ගුණතිලක ද මස්පිඬු ආබාධයන්ට ලක්ව තිබෙනවා.
ඔහු ද අද වෛද්‍ය පරීක්ෂණයකට ලක් කිරීමට නියමිතයි.
ආබාධයකට ලක්ව සිටින ඩිල්ෂාන් මධුශංක වෙනුවට වේග පන්දු යවන ක්‍රීඩක බිනුර ප්‍රනාන්දු මේ වන විට ශ්‍රී ලංකා සංචිතයට එක්වී තිබෙනවා.
