සයිබර් ප්‍රහාර නිරාවරණයට ඔස්ටේ්‍රලියා ආයතන ප්‍රධානීන් 90% ක් අකමැතිලු

සිය ආයතනවලට එල්ලවන සයිබර් ප්‍රහාර සම්බන්ධයෙන් තොරතුරු ප්‍රසිද්ධියට පත් කිරීමට ඔස්ටේ‍රලියාවේ ප්‍රධාන පෙළේ ආයතනවලින් සියයට 90 ක පමණ ප්‍රධාන විධායක නිළධාරීන් අකමැති බව නවතම අධ්‍යයනයකින් අනාවරණ වී තිබෙනවා.

එමගින් සිය ආයතන කෙරෙහි පවතින මහජන විශ්වාසය බිඳ වැටෙන බවත් තරගකාරී අනෙකුත් ආයතනවලට අයුතු වාසියක් අත්වනු ඇති බවත් ඔවුන්ගේ ස්ථාවරය බවයි අනාවරණ වී ඇත්තේ.

එමෙන්ම කිසියම් සයිබර් ප්‍රහාරයකදී විමර්ශන පැවැත්වීම සඳහා බාහිර පාර්ශවයන්ට ඉඩ සැළසීම මගින් එක් එක් ආයතනය තුළ ක්‍රියාත්මක රහස්‍ය තොරතුරු පවා බාහිර පුද්ගලයන් අතර පත්වීම වැළැක්විය නොහැකි බවද ඔවුන් පෙන්වා දෙනවා.

ඔප්ටස් ආයතනයට එල්ල වූ සයිබර් ප්‍රහාරයෙන් පසු පාර්ශව ගණනාවක් දිගින් දිගටම චෝදනා කලේ ඇතැම් ආයතන තොරතුරු වසන් කිරීම හරහා පාරිභෝගිකයන්ගේ පුද්ගලිකත්වය සුරැකීම තවත් අසීරු වන බවටයි.

කෙසේවෙතත් ආයතන රැසක් සිය සංවේදී තොරතුරු ආරක්ෂා කරගැනීම වෙනුවෙන් ක්‍රියාවට නංවා ඇති සයිබර් ආරක්ෂණ වැඩපිළිවෙල ශක්තිමත් කිරීමක් දක්නට ලැබෙන බවයි මෙම අධ්‍යයනයේදී අනාවරණ වි ඇත්තේ.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »