දුෂ්කර සහ ප්‍රාදේශීය කලාපවල video telehealth සේවාව යළි ආරම්භ කිරීමට ෆෙඩරල් රජය තීරණය කර තිබෙනවා.
ලබන අගහරුවාදා ඉදිරිපත් කෙරෙන 2023 වසර සඳහා වන අයවැය ලේඛනයටද එම යෝජනාව ඇතුළත් කර ඇති අතර වෙන් කිරීමට යෝජිත මුදල ඩොලර් මිලියන 47.7 ක්.
වෛද්‍යවරයෙකුගේ සේවය ලබාගැනීමට දිගු දුරක් යාමට සිදුවන දුෂ්කර හා ප්‍රාදේශීය කලාපවල ජනතාවට වීඩියෝ ඇමතුම් මාර්ගයෙන් වෛද්‍ය උපදෙස් ලබාගැනීමයි මෙහිදී ප්‍රධානව සිදුවන්නේ.
ඉන් වැඩිම සේවයක් අත්වූයේ මානසික රෝග සඳහා ප්‍රතිකාර ගන්නා රෝගීන්ටයි.
කෙසේවෙතත් ඒ සඳහා අධික පිරිවැයක් දැරීමට සිදුවන බව පවසා පසුගිය ලිබරල් රජය විසින් දෙසැම්බර් මාසයේදී video telehealth සේවය අත්හිටුවනු ලැබුවා.
එය නැවත ආරම්භ කරන බවට ලේබර් පක්ෂය මැතිවරණ සමයේද ලබාදුන් පොරොන්දුවක් අනුවයි නැවතත් ආරම්භ කිරීමට නියමිතව ඇත්තේ.
මෙමගින් තමන්ට ඉමහත් සේවයක් අත්වන බව දුෂ්කර සහ ප්‍රාදේශීය කලාපවල ජනතාව සඳහන් කර සිටිනවා.
